Policia e Durrësit ka arrestuar gjashtë persona duke iu sekuestruar 8 kg lëndë narkotike.
Në kuadër të operacionit të koduar “Flash” u bë e mundur vënia në pranga e shtetasve:
Elton Shera, 20 vjeç;
Fatjon Kulla, 20 vjeç;
Artan Kulla, 27 vjeç
Algert Ziri, 31 vjeç;
R. C. 17 vjeç;
Isuf Tema, 56 vjeç
Të gjithë shtetasit janë banues në Fushë Krujë. Mësohet se këta shtetas, në një lokal në afërsi të Rinasit, gjatë kontrollit të ushtruar në automjetin me targa AA 419 MB, në pronësi të shtetasit Algert Ziri, kishin të fshehur rreth 8 kg lëndë narkotike e dyshuar e llojit kanabis sativa; fishekë të kalibrit 7.62 mm; dy automjete; si dhe 12 telefona celularë. Shtetasit e mësipërm janë persona me preçedentë penale të mëparshëm në fushën e lëndëve narkotike dhe armëmbajtje pa leje.
