Deputeti socialist Ben Blushi gjatë fjalës së tij në seancën parlamentare ka akuzuar qeverinë Rama se, nuk po bën asgjë, duke mos u krahasuar dot as me Maqedoninë për investimet në vend.
Blushi ka akuzuar qeverinë Rama se është duke qeverisur si ish-paraardhësi i tij apo dhe më keq se ai.
“Unë besoj se të gjithë ju e dini atë shprehjen “dua Platonin, por më shumë dua të vërtetën”. Unë them sërish sot se më vjen keq për ju por më shumë më vjen keq për të vërtetën. A foli njeri për situatën sot. U bë ngjarje e ditës se kush e ka dëmtuar më shumë Shqipërisë, gara sot ishte se kush i ka kriminelët më të padukshëm, kush nga ata ligji i dekriminalizimit nuk i kap, kush ka shitur më pak drogë, kush ka vrarë më pak.
Kjo do të thotë që gara e dëmeve ka për të vazhduar. Çfarë u tha sot, kush ju ka shitur shqiptarëve më shtrenjtë energjinë elektrike, kush e ka dëmtuar më shumë konsumatorin, edhe për një investim që ka ardhur sot, u grindën palët, një investim që nuk kishte arsye për tu grindur. Por sërish kjo grindje e shtyu këtë investim.
Edh një pikë e cila ka ardhur sot që përpiqet të trajtojë çështjen e tokave bujqësore, ku qeveria ka vendosur padrejtësisht shtyn datën e masakrës në një afat të masakruar. E kam thënë iku Saliu në vitin 2013-të, ai iku por metoda e qeverisjes së Saliut vazhdon.
Edhe një pikë e cila ka ardhur sot që përpiqet të trajtojë çështjen e tokave bujqësore, ku qeveria ka vendosur padrejtësisht shtyn datën e masakrës në një afat të masakruar. E kam thënë iku Saliu në vitin 2013-të, ai iku por metoda e qeverisjes së Saliut vazhdon.
Ky ligj nuk i kthen tokat, por i tjetërson. Vetëm keni shtyrë datën e masakrës së pronave.
Ne ju themi investitorëve se këtu në Shqipëri çështja e pronave do të mbetet e pazgjidhur. Kjo klasë politike a ka fuqi ti japë zgjidhje ligjit 7501.
Kush do të ketë të drejtën që me këtë akt ti ndajë këto prona, ata janë kryetarët e bashkive, por ditët e fundit u vërtetua se disa prej tyre janë njerëzit më të degraduar në Shqipëri.
Ja pra se si vazhdon metoda e qeverisjes së Saliut dhe pa Saliun.
Ne nuk krahasohemi as me Maqedoninë, ata kanë krijuar 14 zona të lira ekonomike, ne nuk kemi asnjë. Në se një investitor hyn në një zonë të lirë ekonomike ai nuk paguan asnjë taksë, nëse punon 100 persona qeveria i jep 500 mijë euro, ky do të thotë të inkurajosh biznesin.
Ata kanë punësuar 6 mijë persona vetëm për shkak të zonave të lira ekonomike”, tha gjatë fjalës së tij deputeti Ben Blushi.
