Subjektet e mëdha politike në Kosovë, vazhdojnë të kritikohen në opinion për mungesën e Demokracisë së brendshme. Javë më parë, Kadri Veseli erdhi në postin e të parit të PDK-së pa kundërkandidat.
E konventa e Partisë Demokratike të Kosovës, ku Veseli u zgjodh kryetar, u kritikua edhe nga vet anëtarët e saj, siç është rasti i deputetit Nait Hasani dhe delegati Ramiz Shala.
Limaj e njeh mirë PDK-në
Kritika lidhur me konventën e PDK-së, kishte edhe ish Deputeti dhe ish nënkryetari i PDK-së Fatmir Limaj.
Për analistin Gazmend Islami, ardhja e Veselit në krye të PDK-së, nuk është e rastësishme.
“Asgjë nuk është për t`u habitur për ardhjen e Kadri Veselit në krye të PDK-së, sepse SHIK-u ose strukturat kryesore të SHIK-ut, e kanë mbajtur Partinë Demokratike gjallë, e kanë sjellë në pushtet dhe ka qenë parapolitika e PDK-së.
Asnjë vendim, gjatë gjithë kohës prejse ekziston Partia Demokratike, e Kosovës nuk ka mundur të merret pa pëlqimin e Kadri Veselit. Kështu që, ardhja e tij në krye të partisë e ka zyrtarizuar parapolitikën e një strukture, e cila e ka kontrolluar gjithë Kosovën”, thotë Islami për “Bota sot”.
