Blick i Zvicrës ka paraqitur listën e transferëve më të shtrenjta që janë bërë deri më tani në Zvicër. Granit Xhaka pa dyshim i prin listës, si futbollisti më i shtrenjtë. Ai nga skuadra gjermane Mönchengladbach u transferua në Arsenal për 40 milionë franga. Me kontratën e re, Granit Xhaka, do të përfitojë 110 mijë paund në javë. Kështu Xhaka, do të përfitojë rreth 580 mijë euro në muaj, ndersa në vit i bie që të përfitojë 6 milion e 960 mijë euro. Xhaka pritet të përfitoj rreth 7 milion euro në sezon te Arsenali.
“Arsenali ka arritur një marrëveshje me Granit Xhakën për t’u bashkuar me klubin për një kontratë afatgjatë”, është thënë në njoftimin e klubit anglez.
Xhaka ka treguar formë të lartë në sezonin që lamë prapa me Borussian Monchengladbach.
“Unë jam shumë krenar që kam kaluar në Arsenal. Unë mezi pres të luajë në Londër për të përfaqësuar këtë klub të veçantë dhe të luajë në Premier League. Dëshiroj ta ndihmoj Arsenalin për të fituar trofe dhe t’i bëjë të lumtur tifozët”, ka thënë Xhaka.
Xhaka ka nënshkruar kontratë pesëvjeçare me ekipin londinez, me një pagë prej 110 mijë funte në javë (ose rreth 145 mijë euro në javë),
Pa dyshim se me këtë kontratë Xhaka është lojtari shqiptar më i paguari në botë.
1. Granit Xhaka, 2016 (Mönchengladbach-Arsenal) 40 milionë franga
2. Gökhan Inler, 2011 (Udinese – Napoli) 21,1 milionë franga
3. Xherdan Shaqiri 2015 (Inter-Stoke)18 milionë franga
4. Xherdan Shaqiri, 2015 (Bayern-Inter) 15,7 milionë franga
5. Xherdan Shaqiri, 2012 (Basel –Bayern) 14,2 milionë franga
6. Patrick Muller, 2000 (Grasshoppers-Lyon) 12,5milionë franga
7. Stephan Lichtsteiner, 2011 (Lazio-Juventus) 12,3 milionë franga
8. David Sesa, 2000 (Lecce –Napoli) 11,3 milionë franga
9. Blerim Xhemaili, 2011 (Parma-Napoli) 11,1 milionë franga
10. Ricardo Rodriguez, 2012 (Zürich – Wolfsburg) 10,3 milionë franga 11. Granit Xhaka, 2012 (Basel-Mönchengladbach) 10,2 milionë franga
