Katër efektivë të policisë italiane kanë mbetur të plagosur gjatë një ndjekje me makinë në përpekje për të ndaluar dy shqiptarë, të cilët udhëtonin me një automjet të vjedhur.
Ngjarja ka ndodhur mbrëmë në Pistoia, ndërsa dy të rinj nga Shqipëria po udhëtonin me një makinë Ford Fusion, e vjedhur më 17 maj të këtij viti.
Policia italiane kishte ngritur postblloqe për kapjen e tyre, por 4 policë mbetën të plagosur pasi shqiptarët përplasën automjetin e policisë.
Ndjekja me shpejtësi të lartë dhe manovra të rrezikshme nëpër rrugë zgjati për disa minuta, deri sa makinave e shqiptarëve u përmbys dhe të dy u arrestuan.
