Ajo e ka kujtuar gjithmonë të atin dhe madje shumë thonë se i ngjan. Kur kanë kaluar 8 vite nga vdekja e themeluesit të Top Medias, Dritan Hoxha, vajza e tij Lori Hoxha e kujton me një video të pa publikuar më parë. Në video Dritan Hoxha shfaqet jo më në rolin e atij liderit vizionar që njohin të gjithë, por në rolin e babait, ashtu sic thotë edhe Lori.
Në videon e xhiruar nga Sara, vajza e dytë shfaqet Lori, Redia dhe babai i tyre që mban Itanin e vogël në krahë dhe e prezanton me motrat e tij. Në fund të videos Itan nis të grindet dhe babai i tij e mëson ‘jo me inat’.
“E di që ti nuk do doje ta bëja publike këtë video, por bota meriton të dijë që pas atij njeriut vizionar ndodhej një baba i mrekullueshëm! Një pjesë e zemrës time do jetë me ty kudo që ti të jesh, por ajo që më mbush me gëzim është të di se ishim aty për të shtrënguar dorën tënde në çdo hap tëndin. Sara, Redia, Itan dhe unë do jemi përgjithmonë mirënjohës dhe të nderuar për gjakun tënd i cili rrjedh në venat tona. Botës i duhen më shumë njerëz si ty. Na mungon vërtet!” ka shkruar Lori pas publikimit të videos.
