Xhevdet Lamaj, 31 vjec është shqiptari i cili me anë të identiteteve të ndryshme false i ka shpëtuar drejtësisë italiane.
Bosi i bandës së armatosur që merrej me trafik droge dhe shfrytëzim prostitutash ishte dënuar dhe më pas dëbuar nga Italia. Ai mundi të futej dhe të vazhdonte aktivitetin e tij criminal në Itali duke i treguar autoriteteve patentë slovene me një emër fals.
Mediat italiane raportojnë se ai është dhe për të tashmë janë hapur dyert e burgut.
I riu shqiptar ishte në makinë me një bashkëkombës të tij, një 47 vjecar rezident në Mogliano.
Ai u ndalua në Terraglio. Mercedesi që udhëtonte ishte në rregull, por pasagjeri i ri kishte hesape me drejtësinë italiane. Pas kontrolleve të dokumenteve që rezultuan false doli në dritë edhe e vërteta. Hetuesi i çështjes e ka akuzuar shqiptarin si kreu i bandës së armatosur që merrej me trafik droge dhe shfrytëzim prostitutash. Banda e tij përbëhej nga 11 meshkuj. Ai u dënua për trafik droge me 4 vjet dhe për shfrytëzim prostitucioni më herët, ndërkohë që në 2014 ishte dëbuar nga Italia.
