Si pasojë e ndryshimeve klimatike, planeti jonë deri në vitin 2060 mund të përballet me një përmbytje masive, paralajmërojnë shkencëtarët.
Një grup shkencëtarësh kanë publikuar një studim në bashkëpunim me organizatën “Christian Aid” nga Britania e Madhe, ku pretendojnë se ekzistojnë gjasa të mëdha që deri në vitin 2060, Kina, India dhe SHBA-të të mbulohen nga uji, shkruan Telegrafi.
Ndërkaq në listën e qyteteve më të rrezikuara, janë tetë nga Azia dhe Miami në Shtetet e Bashkuara.
Autorja e raportit Alison Doig, ka deklaruar për BBC se njerëzit që jetojnë në qytete të mëdha bregdetare, janë më të pambrojturit ndaj kësaj fatkeqësie natyrore.
Qytetet si Kalkuta, Mumbai dhe Dakari që shtrihen në pranë brigjeve dhe janë në prag të zgjerimit ekonomik, konsiderohen të jenë si ndër qytetet më të pambrojtura.
“Përmbytjet në këto qytete mund të shkaktojnë dëme të mëdha, por edhe të rrezikojnë jetën e njerëzve”, ka deklaruar Alison Doig.
Në Shtetet e Bashkuara, është Florida që konsiderohet si vendi më i pambrojtur duke marrë parasysh se rrethohet nga një sasi e madhe e ujit.
