Policia greke ka vënë në pranga 6 shtetas shqiptarë dhe 4 grekë të dyshuar si grupi kriminal i trafikimit të dorgës nga Shqipëria në Greqi.
Shtetasit e arrestuar funksiononin si një bandë me një strukturë të caktuar.
Policia greke ka mundur të sekuestrojë 168 kilogramë kanabis sativa, 19 gram kokainë, 62.255 Euro, 1 pushkë, 2 pistoleta, 1 pistoletë ajri, 318 fishekë, 5 makina dhe 1 motor.
Hetimet për këtë grup kriminal zhvilloheshin prej disa muajsh dhe sipas hetuesve helenë, droga trafikohej nga Shqipëria në Greqi, raporton Syri.net
Banda kishte një hierarki dhe strukturë të caktuar, ku secili anëtar kishte rolin e tij, që merreshin me transportin, magazinimin, ruajtje dhe shitjen e drogës në tregun vendas.
Banda kriminale thuhet se fitonte shumë të mëdha monetare nga shitja e kokainës dhe kanabisit në vend.
