Kreu i SHISH, Visho Ajazi Lika, gjatë raportimit të tij në në Komisionin e Sigurisë, është pyetur nga Sekretari i Përgjithshëm i LSI-së, Luan Rama se a e ka vënë në dijeni kryeministrin Edi Rama për pajisjen e përgjimit që ka ardhur dy muaj më parë përmes portit të Vlorës.
Kësaj pyetje, kreu i SHISH Lika, i është përgjigjur duke thënë se nuk e ka parë të arsyeshme t`i thotë kryeministrit për pajisjen e përgjimit pasi nuk e kishte të konfirmuar në dy burime informacionin.
“Nuk e kisha të konfirmuar të paktën tek dy burime dhe ndaj nuk ja dhashë këtë informacion kryeministrit”, tha Lika.
Pajisja e përgjimit që gjendet në Policinë e Shtetit, Visho Ajazi Lika e ka raportuar tek Prokurori i Përgjithshëm dhe tek President ii Republikës. Ai u shpreh se nga ana e prokurorisë nuk i është kërkuar që ta shpërndaj informacionin. “Nuk më është kërkuar nga prokurori për ndarjen e këtij infrormacioni. Dhe puna ime ka qenë deri tek informimi tek Prokuroria”.
Më pas, ka thënë Lika, kam raportuar edhe tek Presidenti.
“Presidenti më kërkoi ta dinte pasi e kishte marrë vesh nga Prokuroria e Përgjithshme. Ne nuk japim fakte por indicie. Ne japim dyshime të bazuara të cilat i ndajmë me prokurorinë dhe jo me kryeministrin”, tha Lika.
