Një gjyqtar iranian raportohet se i ka thënë një burri të cilin e kishte dënuar me vdekje: “Nëse je i pafajshëm, do të shkosh në parajsë pasi të varesh me litar”.
Reza Hosseini nga Koohdasht, ishte një prej katër personave që u ekzekutuan më 3 maj në veri të Iranit pasi u dënua për trafik droge.
Ekzekutimi i tij erdhi pas një gjykimi që dyshohet se zgjati vetëm dy minuta pas të cilit ai u shpall fajtor dhe u dënua me vdekje në burgun e Ghezel Hesar.
34-vjeçari raportohet se këmbënguli se ishte i pafajshëm gjatë gjyqit ku gjyqtari Tayerani i tha atij se në rast se është kështu, atëherë ai do të shkojë në parajsë, sipas lajmit të përcjellë nga agjencia HRNA, shkruan The Independent.
