Mediat italiane e kanë komentuar jetën luksoze që jetonte shqiptari Vladimir Kolaj, pjesë e bandës së drogës me avion, pronar i një lokali në Torino, njohur si bara “Ladi”, që mes të tjerash shërbente si baza e grumbullimit të trafikantëve.
“Jetë mes luksit, me shampanjë e shëtitje me limuzina”, shkruajnë mediat italiane.
Bashkëpunëtorët e shqiptarit që u kap dy ditë më parë kishin përfunduar në pranga dhe policia bashkë me avionin kishte sekuestruar edhe armë dhe kile të tëra droge dhe që rrethi ishte ngushtuar sa më s’ka. Kjo gjë pak i interesonte Vladimir Kolaj, shqiptarit 31 vjeçar dhe gruas së tij rumune Gina Manole 33vjeç.
Ata vazhduan për muaj me radhë të bënin një jetë të bukur, lëvizje me limuzinë, dolli me shampanjë Dom Pérignon, festa luksoze, darka me ushqim të zgjedhur në barin e tyre në rrugën Brandizzo, baza e trafikantëve. Policia sekuestroi në magazinën e lokalit mbi 10 kg marijuanë, mbi 3 kg kokainë dhe armë. Ata sipas mediave gëzonin respektin e fqinjëve.
