Policia e Fierit ka vënë në pranga një biznesmend për evazion fiskal.
Në kuadër të operacionit të koduar “EVAZIONI”, policia e Fierit ka prangosur sot administratorin e “SOKOLI CO”, 52-vjeçarin Xhemil Hoxha, i cili kishte aktivitet në fushën e hidrokarbureve.
“Ndalimi i tij u bë pasi gjatë kontrollit të ushtruar në ambientet e firmës së tij, u gjet e depozituar një sasi prej 106 mijë litra naftë bruto e padeklaruar në organin doganor”-njofton policia. Ky shtetas ka shmangur kështu detyrimet doganore e tatimore në shumën prej 50 milionë lekësh.
