Pas deklaratës së Ministrit të Brendshëm, Sajmir Tahiri, i ftuar në “Top Story” për pajisjen e përgjimeve ka reaguar sekretari i përgjithshëm i Partisë Demokratike, Arben Ristani, përmes një deklarate.
Ai tha se Saimir Tahiri gënjeu, ndërsa pranoi se pajisja përgjuese nuk është regjistruar askund, pra është e paligjshme. Nga ana tjetër vet MInistri i Brendshëm, Tahiri pranoi se në Polici është një pajisje, por që nuk përgjon.
Ai tha se pajisja vetëm identifikon numrat celularë në një rreze të caktuar dhe se nuk mund të përgjojë. Megjithatë, Ristani tha se Tahiri e ka pranuar pajisjen dhe se ajo ka hyrë në mënyrë të paautorizuar në Shqipëri dhe për këtë duhet të arrestohet.
Reagimi
“Ne te njejtin televizion, ku genjeu per Audin e vet narkotaksi e nuk mbajti pergjegjesi. Pikerisht ky qe genjeu per Shullazin e prape nuk mbajti pergjegjesi, genjeu per Habilajt, genjen per Balilin e nuk mban pergjegjesi, genjeu publikisht per BKH e nuk u skuq fare. Pikerisht ky sherbetor e ushtar i bandave, nga e njejta karrige e te njejtes studio, tregoi se ka genjyer edhe per paisjen e pergjimit. Mes gafave, genjeshtrave dhe belbezimeve Sajmir Tahiri pranoi se paisja pergjuese nuk eshte regjistruar askund, pra eshte e paligjshme. 3 here u pyet sonte ne top story, a eshte e regjistruar, dhe te 3 heret i ra vrimes se vetme te fyellit qe ai di, sulmoi opoziten. Eshte e qarte se paisja nuk eshte regjistruar. Vetem per kete shkelje te ligjit, pa pritur hetimin e plote per regjistrimet e telefonatave e komunikimeve, Tahiri duhet te arrestohej qe sonte”.
