Policia e Korçës ka arrestuar 7 persona si dhe u ka sekuestruar drogë dhe municione.
Falë operacionit të koduar “Radaneci” në pranga kanë përfunduar: Islajd Shalcanj, 27 vjeç; Arjan Shalcanj, 22 vjeç; Maril Pano, 26 vjeç; Bledar Haxhi, 35 vjeç; Astrit Shalcanj, 55 vjeç; Naumand Cico, 25 vjeç, Mikel Shalcanj, 22 vjeç. Të gjithë të arrestuarit janë banues në Korçë. Policia e këtij qyteti kishte informacione se 7 të arrestuarit merreshin me shitje të lëndëve narkotike. Gjatë këtij operacioni është sekuestruar: 322 gram kokainë, 9 gram kanabis, 1 peshore elektronike, 2 fishekë të kalibrit 9 mm. Gjithashtu policia ka sekuestruar dhe 40.500 lekë të reja si dhe 210 euro. Pesë prej të arrestuarve iu janë sekuestruar edhe makinat.
