Manchester United ka një ëndërr që quhet James Rodriguez. Siç ka bërë të ditur “Daily Star”, klubi anglez është gati të ofrojë 76 milionë euro për të marrë në “Old Trafford” talentin kolumbian, i cili nuk ka gjetur shumë hapësira në formacion pasi drejtimin e skuadrës e ka marrë francezi Zinedine Zidane.
Nëse ky operacion do të realizohet, do të bëhej fjalë për transferimin e dytë më të shtrenjtë në historinë e kampionatit anglez. Do të kalonte pikërisht 75 milionë eurot që “Djajtë e Kuq” i paguan Realit për kartonin e Angel Di Maria-s (rekordi mbahet po nga United, që ka shpenzuar 80 milionë euro një vit më parë për Martial).
James Rodriguez, edhe pse ka një kontratë me madrilenët deri në 2020-ën, mund të vendosë gjithsesi që të ndryshojë ambient. Për këtë çështje do të diskutohet në mënyrë më të detajuar pas finales së Champions League, që do të luhet 28 majin e ardhshëm në Milano. Për kolumbianin interesohen edhe klube të tjerë të Premier League, si City dhe Arsenal. Sipas shtypit britanik, Manchester ka marrë një përgjigje negative nga klubi spanjoll, por këtë verë do të hidhet përsëri në sulm.
