19 -vjeçar është arratisur në drejtim të paditur pasi goditi me mjete të rënda ish vjehrrën e motrës duke i krijuar plagë të mëdha.
Ngjarja ka ndodhur në Berat, ku mësohet se policia po punon në kapjen e të riut.
Burime nga policia bëjnë të ditur se, nga ana e Seksionit për Krimet ndaj Jetës dhe Lirisë së Personit, filloi procedimi penal dhe u shpall në kërkim shtetasi A.B, 19 vjeç, banues në Berat, pasi ka goditur me mjete të forta ish vjehrrën e motrës së tij, shtetasen L.Z., 61vjeçe, banuese në Berat.
Burime të policisë bëjnë me dije se po punohet për kapjen e tij. Materialet i kaluan Prokurorisë së Rrethit Gjyqësor Berat, për veprat penale “Vrasja me dashje e mbetur në tentativë” dhe “Dhuna në familje”, parashikuar nga nenet 76, 22 dhe 130/a të Kodit Penal.
