Mats Hummels është përshëndetur ashtu siç duhet në ndeshjen e tij të fundit me Borussia Dortmund. Lojtari i ardhshëm i Bayern falënderon të gjithë tifozët dhe jep një premtim. Padyshim që do ta kishte menduar ndryshe largimin.
Dy javë më parë në ndeshjen brenda kundër Wolfsburg ai ka dëgjuar fërshëllima nga tifozët e tij, pasi ishte konfirmuar transferimi i tij për në Munich. Por Hummels u prit me duartrokitje. Dhe nënshkroi autografe të shumtë në fund të takimit. “Jam shumë i gëzuar, pasi kam kaluar një periudhë të gjatë këtu,” shprehet Hummels pas ndeshjes për Sport 1.
“Edhe po të isha fërshëllyer, nuk do të kishte ndikuar aspak në gjykimin që kam unë për këtë klub dhe për këta tifozë. E kuptoj reagimin e tifozëve, pasi edhe për mua ka qenë një periudhë shumë e ngarkuar emocionalisht.”
