Një 51-vjeçar u arrestua nga Policia e Vlorës pasi akuzohet se ka ushtruar dhunë ndaj nënës së tij të moshuar.
A.Kojdheli, banues në qytetin bregdetar u prangos pasi ka ushtruar dhunë fizike ndaj nënës së tij shtetases D.K, 74-vjeç.
Ndërkohë vijon të shtohet edhe më shumë dhuna në familje si një fenomen shqetësues në shoqërinë shqiptare.
Një tjetër rast është regjistruar në qytetin e Fierit ku një 35-vjeçar u vu në pranga pasi dhunonte bashkëshorten e tij 29-vjeçare.
Sipas policisë M.Sulaj banues në lagjen “Konferenca e Pezës” në Fier u arrestua pasi në banesën e vetë, ka ushtruar dhunë fizike dhe psikologjike ndaj bashkëshortes së tij, M.S, 29 vjeçe.
Rastet e familjarëve që kthehen në dhunues të bashkëshortëve, prindërve apo fëmijëve të tyre, janë thuajse çdo ditë pjesë e njoftimeve zyrtare të policisë në rrethe të ndryshme të Shqipërisë.
