Princi i Vogël është i famshëm në të gjithë botën falë fantazisë së Antoine de Saint-Exupery. Kajzeri i vogël, aktualisht njihet vetëm në Gjermani falë klasit të Franz Beckenbauer, por ka një dëshirë të çmendur për t’u bërë i njohur edhe jashtë kufijve gjermanë. Luca Beckenbauer është nipi 15-vjeçar i Kajzerit, dhe ka vendosur të largohet nga sektori i moshave të Bayern Munich për të kaluar tek ai i Schalke-s, që konsiderohet edhe më i miri në vend. Një kapitull i ri në historinë, që sapo ka filluar, e Kajzerit të vogël, i cili konsiderohet një talent i jashtëzakonshëm nga të gjithë ata që kanë punuar me të.
Zgjedhja e tij ka një prapaskenë dramatike. Luca me ekipin e të rinjve të Bayern: i treti lart nga e majta Në korrik të 2015-ës është ndarë nga jeta Stephan Beckenbauer, babai i Luca dhe djali i Franz, i mposhtur nga një tumor në tru. 15-vjeçari, siç mund të kuptohet, është akoma i tronditur nga kjo humbje, dhe ka vendosur të ndryshojë ambient për t’u larguar nga kujtimet dhe nga dhimbja. Për këtë arsye Bayern nuk ka dalë kundër transferimit, madje duke e lejuar të shkojë te Schalke, që në vitet e fundit ka prodhuar një numër të madh talentesh: nga kampionët e botës Neuer, Draxler dhe Howedes, deri te Sane, Groetzka dhe Meyer.
Sipas mediave gjermane ka qenë vetë familja Beckenbauer që është vënë në kontakt me drejtuesit e Schalke-s për të mësuar nëse klubi i Gelsenkirchen ishte i interesuar. Stephan Beckenbauer, i ndarë nga jeta korrikun e kaluar në moshën 46 vjeç Oliver Ruhnert, përgjegjësi i sektorit të moshave të Schalke, është shprehur shumë i kënaqur me faktin “se Luca ka zgjedhur të vijë pikërisht te ne”. Në fakt, nuk ka qenë një vendim i lehtë: “Ka ardhur këtu, ka parë qendrën tonë sportive dhe është bindur. Për më tepër, vëllai i tij është tifoz i Schalke-s…”. Luca, që është një mbrojtës dhe shpesh krahasohet me gjyshin e tij Franz, është gati të fillojë aventurën e tij. Me shpresën se një ditë Kajzeri i vogël të jetë i famshëm në të gjithë botën. Ashtu si Princi i Vogël.
