Rusia po përgatitet për testimin e bombës bërthamore, të fuqishme sa mund të fshijë nga faqja e dheut Teksasin ose Francën për vetëm disa sekonda, njoftojnë mediat ruse.
Që nga vitit 2009, Rusia ka filluar të zhvillojë RS-28 Sarmat, projektilin balistik ndërkontinental shumë të rëndë termobërthamor. Tani, pas shtatë vjetësh, Rusia planifikon që ta testojë.
Fuqia e kësaj bombe është aq e madhe sa që brenda disa sekondash mund të shkatërrojë një shtet të tërë. Për këtë arsye kjo bombë nga disa quhet “makina për fundin e botës”, shkruan Express.
Thuhet se kjo bombë është në gjendje t’iu shpëtojë sistemeve të radarëve të rivalëve të Rusisë. Bomba bart me vete 12 koka bërthamore dhe ka rreze veprimi deri në 10 mijë kilometra. Bomba pritet të prodhohet në vitin 2020.
