“Po përgatitet ta sjellë Koçon ministër të Turizmit, ky është problemi juaj se ne i marrim vesh gjërat para jush, po përgatitet ta sjellë Kocon ministër të Turizmit se duhet të vjedhë prapë, a e patë sa i mërzitur ishte kryeministri pas vendimit për Koçon, dhe çfarë deklarate bëri pas vendimit të Kushtetueses”¬. Pas kësaj që kreut i grupit parlamentar të PD-së, Edi Palo than ë foltoren e Kuvendit reagoi Gramoz Ruçi.
Kreu i grupit parlamentar të Partisë Socialiste tha se e sheh amendamentin e PD-së si një mënyrë të demokratëve për të hequr vëmendjen nga reforma në drejtësi, duke thënë se opozita nuk do që ky proces i rëndësishëm për vendin të realizohet në kohë.
Gjatë fjalës së tij në seancën e sotme plenare, deputeti socialist Ruçi tha se gjatë 8 viteve të qeverisjes demokratët e kanë shkelur kushtetutën 40 herë. Ai i tha përgjigje edhe deklaratës së deputetit Edi Paloka i cili tha më herët se disa socialiste dhe kryeministri Rama nuk e mirëpritën vendimin e Gjykatës Kushtetuese që vendosi heqjen e mandatit të Koço Kokëdhimës.
“ E para, nuk është e vërtetë që s’e kemi pranuar vendimin për heqjen e mandatit të kolegut, pavarësisht rezervave për gjykatat, ne heshtim para vendimit të gjykatave”, tha Ruçi.
Por ndërsa të gjithë ‘përgjërohen për shtet’ – tha Ruçi – opozita e sheh nismën për dekusarizimit, si një sebep për të shtyrë reformën në drejtësi. “E dini që të ndëshkuarit e parë do të jeni ju”, theksoi Ruçi.
Deputeti socialist tha se vetë ai ka dalë disa herë para drejtësisë për 2 prillin, por demokratët nuk kanë mbajtur asnjë përgjegjësi për 21 janarin, për Gërdecin aopo Rrugën e Kombit.
“I ke buzët me qumësht (duke ju drejtuar Palokës), mu që me sheh këtu kam shkuar disa herë në gjykata. Kurse ju me 21 Janarin, Gërdecin apo rrugës që shpëtuat me procedurë, për cilin shtet po flisni? Me kë po flet. Duhet ta kapim demin për brirësh, duke bërë reformën në drejtësi. Me nismën e sotme, që s’kam kundërshti, ju nuk doni reformën në drejtësi”, tha Ruçi.
