Ish-punonjësi i Policisë Bashkiake, Besmir Karaj u shkarkua nga puna në Policinë Bashkiake në Tiranë pak kohë më parë.
Kjo e ka bërë që ai të shkruajë një status në rrjetin e tij Facebbok kundër kryebashkiakut Erion Veliaj.
“Kërkoi vetëm drejtësi të ndiqet penalisht ky falsifikator, ky mashtrues, ky që ushtron presion gjykatave, prokurorisë, ky njeri i pa cipë, i pa moralshëm, i pa denjë për këtë vend. Vaj medet kush e drejton këtë vend”, shkruan ai.
Karaj flet për një realitet të hidhur të vendit tonë ku njerëzit shkarkohen nga puna pa të drejtë.
Ai thotë se i është cënuar dinjiteti, duke ju referuar falsifikimit të firmës së tij në gjobën që Bashkia e Tiranës i vuri PD-së për dëmet gjatë protestës së dhjetorit 2015.
Sipas bashkisë së Tiranës, Karaj nuk është shkarkuar nga puna, por është larguar pasi i ka mbaruar afati i kontratës.
