Kryeministri Rama ka dalë në foltoren e Kuvendit duke hedhur poshtë akuzat e opozitës se qeveria shqiptare po u hap rrugën investimeve kineze dhe po largon investitorë të rëndësishëm nga vende si SHBA apo Kanadaja.
“Qeveria shqiptare nuk hyn fare në këtë mes. Janë marrëveshje të drejpërdrejta. Janë vetë aksionerët kanadezë apo amerikanë apo të tjerë që janë tek Bankers që kanë ekskluzivitetin të vendosin se çfarë bëjnë me aksionet e tyre”, u shpreh Rama në parlament.
Eksponentë të opozitës kanë ngritur disa herë zërin duke akuzuar Olsi Ramën, vëllain e kryeministrit Rama, se qëndron pas kinezëve që kërkojnë të investojnë në Porto Romano.
Së fundi kinezët po marrin edhe Bankers Petroleum dhe Aeroportin e Rinasit.
