Klemend Balili i konsideruar nga mediat në Greqi si “Eskobar i Ballkanit” mësohet tu ketë thënë dy bashkëpunëtorëve të tij, Petro Dalamaj dhe Kleanth Palaj që të mos shqetësohen pasi ai i gjen avokat dhe i siguron familjet e tyre.
“Mos u shqetësoni. Nëse kapeni do të paguajë unë avokatë dhe do t’u mbroj familjet”. Sipas mediave greke 44 vjeçari i ka siguruar kështu bashkëpunëtorët për të transportuar marijuanë në drejtim të Greqisë.
Klement Balili drejton një kartel që trafikon sasi të mëdha lëndë narkotike në vendet e BE¬-së. Në një operacion gjatë ditës së martë, policia greke arrestoi në total 15 persona, ku pesë prej tyre në Zakynthos dhe dy në Belgjikë.
Sipas skemës së zbuluar nga policia greke, trafikantët përdornin skafe të shpejta për të transportuar marijuanën nga Shqipëria për në Greqi e më pas, përdornin kompani transporti rrugor false për të transportuar drogën në vende të tjera Europiane.
Policia zbuloi në ishull 678 kg marijuanë, e cila në treg do të kapte një vlerë prej 1.5 milionë euro. Sipas hetuesve lënda narkotike është transportuar nga Shqipëria në Zakynthos në fund të muajit prill.
