Deputetja e PS-së Mimoza Hafizi ka lënë në mes mbledhjen e grupit parlamentar të PS-së pasi Edi Rama ka shpërthyer në ulërima ndaj saj.
Mësohet se deputetja e Shkodrës ka quajtur gënjeshtare Ministren e Arsimit Lindita Nikolla. Kjo ka bërë që Rama të shqetësohet tej mase duke i bërtitur Hafizit gjatë mbledhjes. Nga ana tjetër Mimoza Hafizi ka sqaruar Gramoz Ruçin për qëndrimin pas ulërimave të Edi Ramës, në grupin parlamentar të Partisë Socialiste.
Mësohet se Hafizi ka kërkuar nga Gramoz Ruçi të mbajë qëndrim, pasi ai është kryetar i grupit parlamentar dhe nuk mund të lejojë shpërthime të tilla, qoftë dhe nga Edi Rama.
Gramoz Ruçi ka dëgjuar shqetësimet e deputetes së Shkodrës, por pa i dhënë një përgjigje të qartë. Deputetes Hafizi iu kërkuan sqarime për largimin nga puna të një mësueseje, e cila kishte marrë pjesë në takimin me Ben Blushin. Pas debatit mes dy zonjave, Edi Rama shpërtheu në ulërima dhe e detyroi MImoza Hafizin të dalë jashtë.
