Kapiten Amerika është një nga super-heronjtë më të fortë dhe më elastikë të Marvel Universe, por, për disa, Kapiteni është asgjë pa mburojën e tij të jashtëzakonshme. Kapiteni e përdor atë për të mbrojtur veten dhe të tjerët dhe për ta hedhur atë si një bumerang. Dhe kush nuk do e donte një të tillë për vete.
Edhe pa vibranium apo një vend në Afrikë të quajtur Uakanda, James Hobson, me pseudonimin The Hacksmith, përmbushi këtë ëndërr super-heroi dhe ndërtoi një mburojë elastike dhe relativisht funksionale të Kapiten Amerikës.
Mburoja e Hobson duket njësoj, por në vend që të fuqizohet nga magjia e Marvel, ajo përdor dy elektromagnete për të qëndruar ngjitur me parakrahun e Hobson.
Magnetet kur fuqizohen me 66 volt mund të mbajnë afërsisht 3,000 paund. Hobson demonstroi fuqinë e tyre duke hequr shumë mbeturina metalesh në punishten e tij metal-punuese.
Projektimi i vetë mburojës është hartuar në të vërtetë nga Machina Props.
Në video Hobson, i cili më parë ka ndërtuar një grep fiksues (kthetër) funksional të Batman dhe Batarang, është shfaqur duke hedhur mburojën metalike në një mur jastëku, por ai nuk e pret atë si Kapiten Amerika. Në fakt, Hobson vë në dukje se pavarësisht nga fuqia mbresëlënëse e elektromagneteve, ato nuk mund ta tërheqin mburojën nga çdo distancë.
Na vjen keq Kapiten – ndoshta kjo nuk është mburoja për ty.
