Tre persona janë arrestuar në kuadër të operacionit “Kontabilisti” pasi akuzohen për fshehje të ardhurash dhe mashtrim me TVSH-në.
Sipas burimeve zyrtare, Specialistët e Seksionit të Krimit Ekonomik e Financiar në Drejtorinë Vendore të Policisë Tiranë në bashkëpunim me Drejtorinë e Hetimit Tatimor Tiranë, kanë vënë në pranga shtetasit.
1. Hazbije Leka, 56 vjeçe, banuese në Tiranë, me profesion kontabiliste.
2. Ramazan Leka, 57 vjeç, banues në Tiranë, me profesion ekonomist.
3. Xhevat Benxhaj, 55 vjeç, banues në Tiranë, me detyrë administrator i shoqërisë “Risa 2013”.
Ata akuzohen për veprat penale “Krijimi i skemave mashtruese lidhur me tatimin mbi vlerën e shtuar” dhe “Fshehje e të ardhurave”.
Këta persona në bashkëpunim me njeri–tjetrin nëpërmjet një skeme mashtruese kanë fshehur të ardhurat duke mos i deklaruar në organet tatimore si dhe kanë bërë shitje fiktive me fatura tatimore.
Ndërkaq policia po heton për zbulimin e subjekteve të tjera që kanë bashkëpunuar me studion e kontabilitetit te shtetases Hazbije Leka pasi ka dyshime se kanë kryer fshehje të ardhurash nëpërmjet kësaj skeme mashtrimi.
Në cilësinë e provave materiale janë sekuestruar
– Dokumenta
– 40 vula
– 10 kasa fiskale subjektesh të ndryshme
– Blloqe tatimore
– 4 njesi kompjuterike
– 1 Server
Materiale të gjendura në studion e kontabilitietit të shtetases Hazbije Leka.
Materialet proceduriale i kaluan Prokurorisë Pranë Gjykatës Shkallës së Parë Tiranë, për veprat penale “Krijimi i skemave mashtruese lidhur me tatimin mbi vlerën e shtuar” dhe “Fshehja e të ardhurave”.
