Komisioni i posaçëm parlamentar për reformën në drejtësi mblidhet sot në orën 10:00, pa praninë e mediave, për të zyrtarizuar qëndrimin ndaj draftin final të ekspertëve ndërkombëtarë për ndryshimet kushtetuese.
Të dielën pasdite, Partia Demokratike përmes një materiali disa faqesh, paraqiti konsideratat të përgjithshme mbi projektin e amendamenteve të kushtetuese.
Materiali, pas një sërë komentesh mbi projektin kushtetues, në përfundim të tij jep qëndrimin zyrtar të PD-së, që ‘në parim është ‘pro’ ndërhyrjeve dhe përmirësimeve të bëra nga ekspertët e EURALIUS dhe OPDAT në draftin kushtetues, me shpresën se edhe mazhoranca ndan të njëjtin vullnet me opozitën parlamentare, për ta çuar përpara realizimin e Reformës në Drejtësi.
Të mërkurën maxhoranca u shpreh në mbështetje të plotë të draftit të ekspertëve, ndërsa opozita kërkoi më shume kohë për shqyrtimin e tij.
