Michel Platini jep dorëheqjen nga funksionet si president i UEFA-s për të vazhduar luftën e tij në gjykatat zvicerane pas reduktimit të pezullimit të tij nga gjashtë në katër vite nga Gjykata e Arbitrazhit për Sportin (TAS).
TAS pranoi sot vlefshmërinë e kontratës gojore që lidh FIFA-n me Michel Platini, për 1,8 milionë euro, por nuk është e bindur mbi legjitimitetitn e dhënies së këtij fondi në vitin 2011 për një punë si këshilltar pranë Joseph Blatter, në atë kohë president i FIFA-s, i zgjedhur që në vitin 2002.
Një vendim ky që shihet si një padrejtësi e madhe nga Michel Platini, sipas komunikatës së tij.
