Pas akuzave e kundërakuzave publike, përmbarimi ka mbërritur sot në lokalin e këngëtares Rovena Dilo i shoqëruar nga dhjetëra forca policie.
Duke qëndruar në derën e lokalit të saj, këngëtarja ka bërë thirrje policisë ta mbrojë nga përmbaruesit, por në fakt asgjë nuk e ka ndalur marrjen e pronës së saj, siç ka vendosur gjykata.
Pavarësisht thirrjeve të Rovena Dilos në adresë të Tom Doshit dhe Çim Babasit, përmbaruesit kanë hyrë brenda për të boshatisur ambientet, shkruan Lapsi. Siç ka pretenduar më parë këngëtarja, lokali i përket të gjithë vëllezërve dhe motrave të familjes Vreto dhe jo vetëm dajës së saj, që ka fituar gjyqin.
