Mbledhja e Komisionit të Posaçëm të Reformës në Drejtësi, ku do të votohet në parim drafti i ekspertëve ndërkombëtarë është miratuar në parim.
Burime nga mbledhja e Komisionit të Posaçëm bëjnë të ditur se drafti është miratuar në parim nga maxhoranca dhe opozita.
Duket se presioni i madh i ndërkombëtarëve jep frytet e para sa i përket Reformës në Drejtësi.
Në përfundim të mbledhjes, deputeti demokrat Eduard Halimi deklaroi se përfundoi procesi i diskutimeve të draftit të rishikuar nga ekspertët e EURALIUS dhe OPDAT.
Duke folur për media ai deklaroi se opozita votoi pro fillimit të diskutimit të amendamenteve nen për nen, duke sqaruar se voto pro nuk duhet të interpretohet si një votë pro çështjeve politike, si institucionet e reja kushtetuese dhe lufta ndaj korporatizmit.
“Nesër do fillojë diskutimi nen për nen i çështjeve. PD ka qenë kundër kapjes politike të sistemit, për këto çështje nuk ka pasur dakordësi, duhen negociata. Përsëritëm apelin që çështjet politike ku ka mosdakordësi të diskutohen, në mënyrë që të gjitha nenet të miratohen javët e ardhshme”, u shpreh Halimi.
