Një incident i pazakonshëm i ka ndodhur biznesmenes angleze Michelle Mone në një konferencë në Vietnam, ku ishin të pranishëm 3000 persona.
Mone një biznesmene e suksesshme e përfshirë dhe në botën e modës, e pranishme gjatë së shtunës në një konferencë me sipërmarrësit në Vietnam, ngriti në krah një person në pamje të parë si fëmijë, i cili i dhuroi një tufë me lule.
Duke vlerësuar veprimin e tij, Mone e mori në krahë dhe e përqafoi. Gjithçka nuk dukej të kishte ndonjë gjë të pazakontë, deri sa nga salla një grua bërtiti, duke i kërkuar ta ulte poshtë pasi ishte i shoqi i saj.
Vetëm më vonë Michele kuptoi se bëhej fjalë për një burrë 46-vjeçar, i cili kishte dhëmbët e zverdhur nga nikotina e cigares.
