Pas ndeshjes Korabi – Kastrioti situata ka dalë jashtë kontrollit duke degjeneruar në dhunë. Ndeshja doli me rezultatin 1 me 0 për Korabin. Kjo skuadër synon Kategorinë Superiore dhe është shumë pranë me këtë fitore që mori ndaj Kastriotit, por dhuna që është ushtruar pas ndeshjes mbi lojtarët e Kastriotit mund të sjellë pasoja të rënda.Një fitore që duhej festuar, por tifozeria vendase ka bërë “kurban: lojtarët miq, teksa Erlind Korreshi ka përfunduar i gjakosur pas ndeshjes, ndërkohë që plagë kanë marrë edhe lojtarë të tjerë si Julian Malo, Jasmin Raboshta e trajneri i portierëve.Ekipi krutan është akoma i ngujuar në ambjentet e stadiumit, dhe pritet që nën shoqërinë e policisë të nisen drejt Krujës.
