Policia e Sarandës ka gjetur dhe ka sekuestruar 63 pako të llojit “tritol”, me peshë 200 gramë secila në një sipërfaqe toke pa pronar.
Zbulimi u bë pranë lagjes së quajtur “Baba Rexhepi”, në një sipërfaqe toke të gërmuar. Sasia e tritolit ishte e mbuluar me një rrobë ngjyrë kafe.
Kjo lëndë plasëse ishte e fshehur nën një qeskë plastike ngjyrë blu, ku brenda së cilës ishin të ndara në formë kallëpesh rreth 63 pako, të llojit “tritol”, me peshë 200 gramë secila.
Nga hetimet paraprake ka rezultuar se kjo sasi me lëndë plasëse është gjetur në një tokë pa pronarë. Punohet për zbulimin dhe kapjen e autorëve.
