Zgjedhjet brenda partisë socialiste për zgjedhjen e 61 krerëve të degëve do të zhvillohen sipas një udhëzimi që kryesia e re e PS-së miratoi në mbledhjen e saj të parë.
Brenda datës 17 maj Asambleja Socialiste e Bashkisë do të miratojë kandidaturat e mundshme, dhe do t’ja dërgojë ato Kryesisë së PS.
Sipas udhëzimit do të jetë kryesia e madhe e partisë ajo që do të bëjë seleksionimin përfundimtar dhe kandidaturat e miratuara do të hidhen në garë në bazë për tu zgjedhur brenda datës 25 maj.
Në këto kushte, në bazën socialiste ka filluar tashmë gara mes pretendentëve, të cilët kërkojnë jo vetëm propozimin në bazë, por edhe mbështetjen e ministrave dhe deputetëve për të marrë miratimin e kryesisë përpara se të hidhen në garën me votë në asamblenë e Bashkisë./Shqiptarja.com
