Në një fushatë reklamuese ku supermodelja izraeliste Bar Refaeli ka qenë protagoniste, është ndaluar të transmetohet nga të gjitha televizionet e vendlindjes së saj, pasi ishte konsideruar si tepër seksi nga autoritetet e censurës.
Zyrtarët e Autoritetet të Transmetimit për televizion dhe radio në këtë vend kanë marrë vendim se kjo video 45 sekondash, në të cilën modelja 30-vjeçe reklamon koleksionin personal të kostumeve të banjos “Bar for Hoodies”, mund të emetohet vetëm pas orës 10 të mbrëmjes, shkruan sot gazeta ‘Zeri’.
Reklama e censuruar tregon bionden e bukur duke pozuar në një plazh me kostume të ndryshme nga koleksioni i saj dhe në disa poza ajo nxjerr në pah vithet dhe trupin e saj seksi, derisa në njërën skenë ajo duket plotësisht lakuriqe. Ajo ka paralajmëruar fushatën me një fotografi me vithe të zhveshura, të cilën e ka postuar në “Instagram” para një muaji, derisa ishte në muajin e pestë të shtatzënisë. Refaeli, e cila është e martuar me biznesmenin Adi Ezra, duket se e ka xhiruar reklamën muaj më parë, kur ishte në fillim të shtatzënisë.
Por kjo nuk është hera e parë që modelja e “Sports Illustrated”, e cila në vitin 2012 është shpallur si modelja më seksi nga revista “Maxim”, ka shkelur rregullat e emetimit. Në vitin 2014, një reklamë në të cilën Refaeli shihej duke u rrotulluar nëpër shtrat e veshur në mënyrë shumë seksi, ishte ndaluar të emetohet, për shkak të përmbajtjeve seksuale. Edhe pse ajo në atë kohë kishte kundërshtuar ashpër këtë vendim, në rastin më të ri nuk ka reaguar ende, edhe pse ende ka kohë për këtë. Ajo momentalisht është nikoqire e versionit izraelit të shout “The X Factor”.
