Getoari i cili është në një marrëdhënie me moderatoren Marina Vjollca, madje kanë nisur edhe bashkëjetesën u përfol për një foto të vjetër se ka qenë i lidhur me Elvana Gjatën.
Pak ditë më parë, në portale të ndryshme u botua një foto e reperit të njohur Getoar Selimi, i cili shihej duke u puthur me një vajzë. Personi në foto nuk është Elvana, por Hana Shehu, e cila ka qenë dikur në një lidhje me reperin.
Në një prononcim për “Panorama Plus”, Getoari ka rrëfyer se ai asnjëherë nuk i ka mbajtur të fshehura të dashurat dhe me Elvanën ka pasur vetëm marrëdhënie profesionale.
“Unë jam një nga personazhet publikë me jetën private më transparente që mund të ekzistojë. Nuk i kam mbajtur fshehur të dashurat që kam pasur, i bindur se nuk po bëja ndonjë krim.
Por ama, jeta profesionale ka qenë tjetër gjë. Me Elvanën kemi pasur marrëdhënie profesionale. Patëm bërë një këngë bashkë, që në atë kohë u bë hit, dhe marrëdhënia jonë mbeti vetëm e tillë.
Jam i lumtur për sukseset e saj, sepse është një vajzë e talentuar”, ka thënë Getoari.
