Bayern fiton dhe shpallet kampion për herë të katërt radhazi. Ky është një rekord i ri në Bundesliga. Fitorja nuk kishte shumë rëndësi, pasi ndjekësit më të afërt të Dortmund humbën kundër Frankfurt duke i hapur rrugën e suksesit bavarezëve. Dy golat e Lewandowski-t në pjesën e parë, i cili shkoi në kuotën e 29 golave, i dhanë fitoren miqve. Të cilët me siguri do të ngushëllohet sado pak nga largimi paraprak i Champions League.
Pjesa I Kjo është mundësia më e mirë për Bayern për të harruar zhgënjimin e Champions League dhe të fitojë titullin e katërt kampion të Bundesliga-s. Bavarezët fillojnë vrullshëm dhe arrijnë të shënojnë të parët me anë të Robert Lewandowski, i cili me penallti ë minutën e 15 kalon ekipin e tij në avantazh. Krye golashënuesi i Bundesligas-s arrin të dyfishojë rezultatin në minutën e 32-të pas një pasimi perfekt të Xabi Alonso-s, i cili e gjen vetëm për vetëm me portierin polakun që shënon lehtësisht golin e 29-të në Bundesliga. Lojtarët e Ingolstadt nuk dorëzohen dhe vazhdojnë të bëjnë lojën e tyre dhe shpërblehen me një penallti të shkaktuar nga Xabi Alonso, i cili pak më vonë del nga fusha i dëmtuar. Hartmann nuk gabon nga pika e bardhë dhe ngushton diferencën në minutën e 42-të. Kaq mjafton për 45 minutat e para.
Pjesa II Bayern nuk kënaqet me rezultatin e ngushtë dhe kërkon një tjetër gol për të siguruar ndeshjen, por në të njëjtën kohë duke qenë të kujdesshëm në prapavijë, pasi në rast barazimi festa shtyhet sërish. Sa më shumë minuta kalojnë aq më shumë kuptohet se Bayern nuk kërkon të rrezikojë për të gjetur një tjetër gol, teksa Ingolstadt nuk është aq i fuqishëm sa për të barazuar. Rekordmenëve të Gjermanisë i shtohet një tjetër rekord. Katër tituj kampion radhazi në Bundesliga.
