Dy persona janë vënë në pranga dhe një tjetër është shpallur në kërkim nga policia e Durrësit pasi i kanë sekuestruar 20 kilogramëve kanabis në portin e Durrësit.
Dyshohet se lënda narkotike ishte pjesë e një trafiku ndërkombëtar. Leonard Hoxhaj 30-vjeçar dhe Marinel Haruni 29 vjeç, të dy me banim në Vlorë u arrestuan, ndërsa një i tretë, 24-vjeçari M.H po nga Vlora është shpallur në kërkim.
Leonard Hoxhaj është me profesion marangoz, i cili ka përgatitur lëndën në pajisjen e drurit ndërsa Haruni sipas policisë, ishte trafikuesi i lëndës.
Lënda narkotike u zbulua në 4 maj nga policia kufitare në portin e Durrësit, ku u arrestua shoferi i autobusit Neshet Allushi 57 vjeç, nga Vlora.
Gjatë kontrollit të ushtruar në Portin e Durrësit në vijën e dytë, në autobusin tip Iveko me targa AA 117 NA, në pjesën e bagazhit u gjetën dhe u sekuestruan rreth 20 kg lëndë Cannabis Sattiva.
Gjithashtu, u bë shpallja në kërkim dhe po punohet për kapjen e personit me inicialet O.A. 32 vjeç, banues në Vlorë.
