Një konflikt verbal me kërcënime të rënda ka ndodhur mbrëmjen e djeshme në autobusin e linjës Kamzës-Qendër, në Tiranë.
Një polic civil është konfliktuar me faturinon, kur ky i fundit i kërkoi lekët e biletës, shkruan “Jeta OSH Qef”.
Në videon e mëposhtme, dëgjohen edhe fjalët fyese e kërcënuese me të cilat efektivi i drejtohet faturonis.
“Ndërkohë, një polic tjetër i ndodhur në autobus, nuk ka reaguar për të neutralizuar situatën, por thjesht i ka kërkuar kolegut të vetë të qetësohet. Më pas ka ndërhyrë kontrollori i biletës, i cili i ka kërkuar policit civil të qetësohet, sepse nuk zgjidh asgjë me të bërtitura, ndërkohë që ky i fundit vazhdonte me sharje drejtuar faturinos. Ende nuk dihet se si ka përfunduar situata”.
