Presidenti Bujar Nishani tha sot se, brezat e rinj kanë nevojë për shembuj pozitivë.
Deklaratën, kreu i shtetit e bëri gjatë ceremonisë së zhvilluar mbrëmjen e sotme në Pallatin e Brigadave, për vlerësimin e personaliteteve shqiptare.
“Në ditët e sotme, përveç problemeve të ndryshme jetike, plagëve shoqërore, kam vënë re se shoqëria jonë, veçanërisht të rinjtë vuajnë apo ndjejnë nevojën për shembuj pozitive për njerëz nga të cilët të frymëzohet, për heronj të heshtur. Kjo do të na shërbente për shumë drejtime”, u shpreh kreu i shtetit.
