Para 16 vitesh vajza ka qenë vetëm 8 vjeç kur u përdhunua për herë të parë nga babai i cili vazhdoi ta bëjë këtë akt për 10 vjet me rradhë.
Kjo është historia e tmerrshme që po trondit Italinë ku protagonistë është një familje shqiptare.
Vajza, sot 23 vjeçe student ka rrëfyer në gjykatë për babain, i cili për 10 vite me rradhë e përdhunoi vajzën e më pas e zinte me shkelma në bark që të mos mbetej shtatzënë dhe e kërcënonte të mos rrëfente pasi do shfaroste gjithë familjen.
Mediat italiane raportojnë se në historia e abuzimit kafshëror nisi në fillim të viteve 2000, kohë kur gjithë familja shkoi në Itali të bashkohej me kryefamiljarin. Aso kohe vajza ishte vetëm 8¬vjeç. Babai, sot 45 vjeçar, (emri i tij nuk bëhet i ditur) nisi abuzimin seksual me vajzën. Sipas rrëfimit të vetë vajzës, sot, studente 23¬ vjecare, para avokates së saj mbrojtëse Marina Magistrelli, babai e përdhunonte në mëngjes, para se ajo të nisej për në shkollë. Vajza ka treguar se përdhunimi ndodhte një ditë po e një ditë jo. “Ai më kërcënonte, nëse tregon do të vras të parën nënën tënde, pastaj motrën, vëllanë e më pas do vras edhe veten”¬ ka thënë vajza. Jo vetëm kaq, vajza ka thënë se është keqtrajtuar edhe dhunuar fizikisht. Sipas saj, ai e zinte me shkelma në bark, sipas tij, që të mos kishte mundësi të mbetej shtatzënë. Gjatë gjithë viteve të tmerrit, familja nuk kishte asnjë dijeni, pasi vajza e kishte mbajtur gjithçka të fshehtë. Abuzimet morën fund vetëm në vitin 2011, kur vajza mbushi 18¬vjeç, kohë kur ajo u largua nga shtëpia për të jetuar më vetë. Iu deshën pas kësaj, plot 4 vjet që të merrte guximin e të thyente heshtjen dhe të bënte denoncimin në polici. Arrestimi i abuzuesit u bë në janar. Avokati mbrojtës i shqiptarit deklaroi se gjithçka ishte fryt i fantazisë së vajzës duke mohuar gjithçka lidhur me akuzat. Sipas babait, vajza e kishte sajuar gjithë këtë, pasi ai nuk kishte dashur më të kontribuonte financiarisht për vajzën, kur ajo u bë studente.
