Basha: Mbi 80 oficerë të lartë policie të lidhur me bandat kriminale dhe trafikimit të drogës

Departamenti i Sigurisë në PD, ka përgatitur një analizë të zgjeruar, sipas të cilës provohen lidhje te oficerëve e drejtuesve të lartë të policies me organizata apo grupe të krimit ne vend.
Kështu deklaroi kreu i PD-së, Lulzim Basha në emisionin “Opinion”, duke dhënë edhe emra konkret. Sipas tij, janë mbi 80 oficerë të policisë së Shtetit të dyshuar për implikim me organizata kriminale e trafikimit të drogës. “Nga nesër do të fillojmë denoncimin rast pas rasti”, u shpreh Basha, duke përmendur edhe disa emra oficerësh si Besmir Qebini, Alban Ahmetaj, Eart Çela, Ermal Muca, Ëngjëllush Abdyli…etj.
Duke denoncuar këto lidhje Basha shtoi se, “këta oficerë ngaqë kanë lidhje me krimin dhe Emiljano Shullazin, promovohen nga mistri i Brendshëm Saimir Tahiri”.
Basha denoncoi më pas edhe një rast konkret sipas të cilit “më 24 prill 40 kamionë ngarkuar me pleh udhëtonin drejt Vlorës, në zonat e mbjella me kanabis nga vëllezërit Habilaj”.
Basha zbuloi midis të tjerave edhe lidhje sipas tij të oficerëve të policisë me vrasjen e pak ditëve më parë në Vlorë.
“E kujt ishte arma që ju gjend viktimës?”, pyeti Basha, i cili më pas saktësoi se “Ajo i përkiste një zyrtari të lartë të policisë”.