Policia italiane ka vënë në pranga shtetasin shqiptar nga Vlora pasi është kapur me 5 kg marijuanë.
Roland Çaushaj u arrestua në stacionin e trenit nga një kontroll i zakonshëm i policisë.
29-vjeçar i cili banonte në Lizzanello, shfaqi shenja nervozizmi kur policët e pyetën se çfarë kishte tek çanta e shpinës.
Çaushaj u përgjigj se kishte rroba, por gjatë kontrollit u gjet lënda narkotike. Droga ishte e ndarë në tre pako dhe e mbështjellë me celofan.
Sot gjykata e ka lënë me arrest shtëpie. Të riut i kanë vënë një byzylyk elektronik, në mënyrë që të mos largohet.
