Efektivi i Komisariatit numër 5 në Tiranë që ndodhej në tavolinë me 36-vjeçarin Elton Çiço në momentin e ekzekutimit të tij është arrestuar mbrëmjen e sotme me akuzën për fshehjen e provave dhe shpërdorimit të detyrës.
Oficeri i policisë, Alban Trimi është arrestuar mbrëmjen e sotme nga Shërbimi për Çështjet e Brendshme në bashkëpunim me Prokurorinë. Dyshohet se Trimi, në bashkëpunim me Redjan Rrajën, me profesion stomatolog kanë zhdukur nga çanta e viktimës pistoletën e tij. Ditën e sotme, Gjykata vendosi arrest me burg për Rrajën nën akuzën e fshehje të provave të krimit dhe pengim të hetimeve.
