Ministri Ylli Manjani i ka mohuar të gjitha mosmarrëveshjet që mund të ketë policia me prokurorinë.
Para mediave ai tha se çdo gjë është vepruar sipas ligjit. “Prokuroria heton, policia arreston. Ky është ligji”.
Lidhur me ftohjen e mundshme të koalicionit PS-LSI, Manjani ju përgjigj gazetarëve që është ende herët të ndodh diçka e tillë. Ai është përgjigjur kështu: “Pse kaq shpejt u ftohka koalicioni”
Manjani sqaroi dhe deklaratën e djeshme, kur duke iu drejtuar qytetarëve për të denoncuar në prokurori rastet e tyre nuk përmendi policinë.
“Kur unë thashë se duhet hetuar nuk përjashtova policinë dhe askënd tjetër që kryen detyrat. Them të mos humbasin kohë të denoncojnë nëpër media e zyra kot .. nuk ka çështje mosmarrëveshje mes policisë dhe prokurorisë”
Deklarata u bë pas takimit që ministri zhvilloi me investitorët e huaj në vendin tonë. Gjatë takimit Manjani informoi për ndryshimet ligjore që kanë lidhje me transparencën dhe procedurat. Ai nënvizoi reformën në drejtësi , si të rëndësishme.
