Janë mbyllur sot pa surpriza katër sfidat e javës së 33-të të Kategorisë Superiore të Kampionatit Shqiptar. Një javë që pritet të mbyllet me kryesfidën, derbin e kryeqytetit mes Tiranës dhe Partizanit. Në pritje të këtij takimi përmbyllës, ajo që ka shënuar lëvizjen më të rëndësishme është fitorja e Flamurtarit në Pukë ndaj Tërbunit që ka shpëtuar të paktën provizorisht vlonjatët nga rënia prej kategorie, të favorizuar edhe nga humbja në shtëpi e Bylisit, i cili u mund nga Teuta. Kjo e fundit tashmë ka barazuar me pikë Kukësin në vend të tretë dhe rihap sërish garën për podium. Ndërkohë që Skënderbeu ka ruajtur ritmin e kryesuesit duke turpëruar finalistin e Kupës së Shqipërisë, Laçin, që e skualifikoi në gjysmëfinale.
Kukësi-Vllaznia ishte çifti i vetëm në këto katër takime, që u nda në një barazim paqësor. Skënderbeu-Laçi 6-1. Te Skënderbeu shënojnë thuajse të gjithë titullarët, madje që në pjesën e parë të takimit. Laçi, i cili vetëm pak javë më parë skualifikoi nga Kupa e Shqipërisë korçarët, sot, me kompromis, apo për meritë të kundërshtarit, u turpërua teksa pësoi plot 6 gola në vetëm 44 minutat e para të takimit, për të realizuar golin e nderit në të 60’ me Mustafan.
Asgjë për të shënuar në Kukës, ku verilindorët janë frenuar nga Vllaznia, për të marrë një barazim pa gola. Nga ana tjetër Teuta vijon performancën e saj mbreslënëse, teksa ka mundur në transfertë Bylisin, për të rrëzuar ballshiotët, sikurse për të barazuar me pikë Kukësin në garën për vendin e tretë. Ndërkohë, më në fund, Flamurtari u rikthye te fitorja, pasi mundi Tërbunin me rezultatin 0-2, për të hedhur një hap të rëndësishëm drejt shpëtimit në Superligë.
Skënderbeu – Laçi 6-1 Shënues: Abazi 3′ , Xhejms 10′ , 16′, Eskerdinja 30′, 44′, Salihi 38’/ Mustafa 60′
Skënderbeu: Shehi, Radas, Jashanica, Osmani, Arapi, Progni, Eskuerdinja, Nimaga, Abazi, Xhejms, Salihi. Trajner: Mirel Josa
Laçi: Selmani, Musaj, Çela, Gjoni, Bushi, Gocaj, Mustafa, Lushkja, Malindi, Dosti, Vuthi. Trajner: Ramadan Ndreu
Kukësi – Vllaznia 0-0
Kukësi: Koliçi, Hallaci, Lladrovci, Malota, Imami, Nika, Karioka, Musolli, Dvornekoviç, Emini, Lima. Trajner: Klodian Duro
Vllaznia: Selimaj, Pjeshka, Cicmil, Vrapi, Marku, Krymi, Kapaklija, Bardulla, Vecaj, Shtubina, Dibra. Trajner: Armando Cungu
Bylisi – Teuta 0-1 Shënues: Lukiç 35′
Bylisi: Frashëri, Dukiç, Brahja, Alla, Peposhi, Bilali, Gava, Tairi, Hyshmeri, Izuçuku, Varea. Trajner: Adnand Zilxhovivv
Teuta: Moçka, Lukiç, Hoxha, Shkalla, Kotobelli, Musta, Hila, Lena, Hodo, Lamçe, Bernardo. Trajner: Gugash Magani
Tërbuni – Flamurtari 0-2 Shënues: Telushi (p) 20′ , Alvesh 33′
Tërbuni: Kuka, Fangaj, Rudoviç, Beci, Prendi, Kaçaj, H. Marku, Dedyn, Lala, T. Marku, Jovanoviç. Trajner: Viktor Gjoni
Flamurtari: Lika, Krasniqi, Curri, Lakoste, Idrizaj, Da Silva, Nikolini, Telushi, Hoxha, Shehaj, Alvesh. Trajner: Zekerija Ramadani
