Një ditë më parë në mediat greke u publikua lajmi se shqiptari i arrestuar në Greqi ishte shoferi i i kryeministrit shqiptar Edi Rama.
Lidhur me këtë ka reaguar Transparenca.al ku mohon se personi në fjalë që po hetohet në shtetin fqinj për grabitje është shoferi i kryeministrit.
REAGIMI I KRYEMINISTRISE:
Për artikullin e personit të arrestuar në Greqi: Në përgjigje të opinionit publik dhe pretendimit të ngritur në artikullin e postuar në disa portale sqarojmë se deklarata e personit të arrestuar në Greqi se ai është shoferi dhe truproja i Kryeministrit Edi Rama është e pavërtetë dhe e pabazë. Personi në fjalë jo vetëm nuk është shofer apo truprojë i Kryeministrit Edi Rama, por as nuk ka qenë ndonjëherë në ndonjë detyrë apo i njohur i qytetarit Edi Rama.
