Derbi Tirana –Partizani, ndeshja më e zjarrtë për tifozët e tyre do të angazhojë 517 efektivë policie.
Ky numër i lartë i gadishmërisë policore do të vijë për mbarëvajtjen e ndeshjes për të shmangur incidentet që shpesh kanë ardhur nga tifozeria e dy ekipeve keryeqytetase.
Survejimi do të jetë jo vetëm brenda stadiumit por edhe jashtë këtij impianti. Duke ditur precedentët dhe “urrejtjen” që mbarin karshi njëratjetrës dy tifozëritë, forcat e rendit kanë marrë që të gjitha masat e nevojshme që gjithçka të shkojë në perfeksion dhe të shmangen përplasjet. Deri në përfundimin e takimit, do të ndalohet parkimi i mjeteve në perimetrin e “Selman Stërmasi”it. Sakaq, tifozët do të jenë të detyruar që, për të shmangur konfuzionin që mund të krijohet nga radhët, të futen të paktën 1 orë më herët në stadium. Ashtu sikundër edhe është paralajmëruar, hyrja në stadium do të bëhet nëpërmjet dyerve elektronike që kontrollojnë çdo biletë për të gjithë sektorët, por para se të bëhet “check in”, çdo tifoz duhet të kalojë një herë kontrollin fizik nga policia.
Shtimi i masave nuk është diçka e pazakontë, pasi në çdo derbi ka pasur angazhim maksimal nga policia. Megjithatë, për të parandaluar situata të pakëndshme, policia do të jetë tejet e fokusuar për orë me radhë që gjithçka të nisë dhe mbyllet me sukses.
